Friday, April 22, 2005

فيلم العيد - أنا لا أكذب و لكني أتجمل 2

ترقبوا قنبلة الموسم: فيلم العيد و المولد و شم النسيم. الفيلم الذي سيحطم شبابيك التذاكر و يمكن شبابيك البيوت. الكوميديا الاستعراضية اللي حتموّتك - خللي بالك، يمكن فعلا تجيلك السكتة القلبية - من الضحك. فيلم من 3 أجزاء، و لا الأب الروحي بتاع كوبولا. الفيلم الذي سيحقق المعادلة الصعبة بين الفانتازيا السياسية و التراجيديا الواقعية. و أخيرا، الفيلم الذي سيثبت شعار "اللي يخاف من العفريت يطلع له .. في التليفزيون"ـ


إنتاج: اتحاد الإذاعة و التليفزيون (لصاحبه الحاج أنس الفقي و شركاه)ـ


قصة و سيناريو و حوار: عماد الدين أديب (بالتعاون مع أسامة الباز و زكريا عزمي و بقية الشلة)ـ


تصوير: 6 كاميرات عشان الجمهور يشوف البطل من كل الزوايا، خصوصا وشّه "الفوتوجينيك"ـ


موسيقى تصويرية: عمار الشريعي (خسارة يا عمار)ـ


إخراج: شريف عرفة (بعد الإرهاب و الكباب جَه دور الهباب)ـ


بطولة: المعلم الكبير، و مين عارف، يمكن كمان البيه الصغير و بقية الفاميليا


الأفيش بالصفحة الأولى بالأهرام
22/4/2005

9 Comments:

At 10:42 AM, Blogger فلان الفلانى said...

شعبان عبد الرحيم يدشن حملة الانتخابات الرئاسية بـ كليب مؤيد لمبارك
جريدة القدس العربى 2005/04/22

فى تطور سياسي وفني مهم فاجأ المطرب الشعبي (المكوجي السابق) شعبان عبد الرحيم الجماهير المصرية بأغنية جديدة مصورة (فيديو كليب) يدعو فيها مباشرة لانتخاب الرئيس حسني مبارك لفترة رئاسية جديدة (خامسة) دون تفكير، حيث لا يوجد شخص افضل من مبارك يقدر علي تحمل مسؤولية

 
At 11:11 PM, Blogger Storm-petrel said...

نسيت أن تذكر أنه من انتاج عبد الحميد الترزي(:
تحذير للأخ ميمو صاحب شركة الدعاية والاعلان لألبوم شعبان الجديد،هذه رابع مرة أقرأ اعلانكم غير مدفوع الأجر في يوم واحد،بعد كده ح نحاسبك زينا زي الوسيط وح ندفّعك ضريبة مبيعات كمان

 
At 11:18 PM, Blogger Lasto-adri *Blue* said...

fe3lan... aslan da karst el mosem.. hehe
set sa3at.. LEH W 3ASHAN EH WENABI!!!

bas 3alafekra... enta olt "ana la akzb wala keni atagamal">> lakn ma2oltsh feen elli bytgamel dah?!!!

ham yeda7ak

 
At 11:41 AM, Anonymous TIC said...

كيف تنسي البطولة النسائية لفاتنة الشاشة العربية الاولي؟

 
At 12:39 PM, Blogger minesweeper76 said...

ميمو، ليس على شعبان حرج

ستورم، عائلة الترزي كلها مشغولة في مجلسي الشعب و الشورى لزوم تفصيل المادة 76

لستُ أدري، ست ساعات و لسه ماخدتيش بالك من عملية التجميل؟

هنا القاهرة، هيّ ليها دور في الفيلم؟ و الله أنا يادوب شفت تقريبا نصف ساعة من الحلقة الثانية، مش عارف إذا كان عندها وقت للمشاركة في الفيلم ده.. كفاية عليها القراءة للجميع و الهلال الأحمر و منكوبي الصومال و السودان و بلاد تركب الأفيال

 
At 3:10 PM, Blogger فلان الفلانى said...

طب بذمتك ياستورم شعبان احسن ولاعماد الدين اديب .. صحيح ده مكوجى وده كفتجى بس الفرق ان شعبان بطل التدخين .. ومش تخين .. وبعدين قولى ياعم ستورم اذا كان رئيس مصر (7 تلاف سنه وبتاع ) معتمد على شعبان عبد الرحيم وعماد الدين اديب مش من حقنا نلطم

 
At 4:13 AM, Blogger Twosret said...

You really made me laugh. Egyptians are the best when it comes to sense of humor.

T.

 
At 3:52 PM, Blogger elarmouty said...

عشمتنى بالحلق خرمت أنا ودانى
الفيلم طلع ساقط وفاشل زى صحبه على الرغم من الإمكانات الهائلة التى تم توظيفها لإنجاح الفيلم ومشاركة العديد من القوادين فى إعداد هذا الفيلم وعلى رأسهم:
عماد الين اديب (تقديم)
عمار الشريعى (موسقى تصويرية)
شريف عرفة (إخراج)
بالمناسبة نفسى أعرف اسم المصور
طبعاً كل اللى شاركوا فى الفيلم لهم كل الحق فى أن ينافقوا السيد مبارك ولكن ليس لهم الحق فى أنهم يضحكوا علينا
على العموم عملية تجميل والديكتاتور قد فشلت فشلاَ ذريعاً وتمخضت عن مسخ دميم

 
At 8:39 PM, Blogger فلان الفلانى said...

قرموطى
نفسك تعرف اسم المصور .. قوى قوى .. اسمه ياسيدى ايمن ابو المكارم وهو بالمناسبه مدير تصوير سينمائى ردئ جدا

 

Post a Comment

<< Home