ماذا تفعل لو كنت مكانهم؟

الإخوان و السلفيين خلاص بلعوا طعم المرحلة الأولى وخلاص بالنسبة لهم لا صوت يعلو فوق صوت الانتخابات لخمس أسابيع أخرى

ميليشيا العباسية خلاص جاهزة لأي مواجهة إعلامية أو ميدانية

الشارع مشغول بالجنزوري ووزارته المتعثرة

المثففين مشغولين بيتراهنوا إيه أول كتاب عبد المنعم الشحات حيمنعه بعد ما يدخل المجلس

الإعلام مشغول بفقه ابن تيمية وتاريخ محمد بن عبد الوهاب، و ياترى إيه يليق على مصر أكتر، النموذج الأفغاني ولا السوداني ولا والعياذ بالله التركي

الألتراس مشغولين بتصفيات أوليمبياد لندن، و كلها كام يوم و الدوري يرجع

القوى اللامؤاخذة سياسية مشغولة بالمجلس الاستشاري اللي مالوش صلاحيات، اللي الجنزوري - اللي برضه مالوش صلاحيات - حيبقى يستشيره

الأمن المركزي و الشرطة العسكرية مشغولين عندهم معسكر إعداد للمعركة الجاية

لو انت مكان المجلس العسكري، بذمتك ممكن تفوت فرصة زي دي من غير ما تعمل مصيبة كان نفسك تعملها من زمان بس مش لاقي الفرصة؟